Бұл ауласы тыныш әрі толығымен көгалдандырылған айналасында инфрақұрылымдық және коммерциялық нысандары бар Шымкент қаласының ең жақсы аудандарының бірі. Жақын маңда «Mega Planet» ОСО, «Имран» супермаркеті, «Кәмшат» және «Моцарелла» мейрамханалары, «Кең-Баба» саябағы, «Динамо» стадионы орналасқан. Бірнеше қадамдық қашықтықта бала-бақшалар мен мектептер, дәріханалар, емхана, банктер және басқа да көптеген нысандар бар.

Пәтер кірпіштен соғылған 3 қабатты кеңес одағының уақытында «обкомдық үйлер» деп аталатын үйде орналасқан. Дербес сериядағы осы санатты үйлер біздің өмірімізді ыңғайлы әрі рационалды ете түсетін асқан жайлылығымен, тұрғын үй ауданының үлкендігімен, ойластырылған ұсақ-түйегімен ерекшеленеді. Үйдің кіре берістері (подъезд) өте кең. Пәтердің төбесінің биіктігі 3,2 метр. Сіздің қауіпсіз өмір сүруіңіз үшін пәтерге бейнебақылау орнатылған, терезелерге темір тор қағылған. Балалар алаңы және көгалдандырылған аула, сонымен қатар көлігіңізге арналған автотұрақ бар. Аула мен кіре берістің тазалығын үй ұйымдастырушысы (домком) ұйымдастырады, ол кісі сізге барлық коммуналдық сұрақтар бойынша көмек береді.

Пәтер бірінші қабатта орналасқан , аумағы 125 м², лоджиясы бар. 2017 жылы мұнда пәтердің аумағын барынша ұлғайтқан сапалы жөндеу жұмысы жүргізіліп, пәтер жайлылықты ұнататын адамдарға таптырмас орынға айналды. Пәтердегі еден сапалы паркеттен жасалған. Пәтердің іші жарық және жиһаздары толығымен классикалық үлгіде. Пәтерде тұрмысқа қажетті жабдықтардың барлығы да бар: тоңазытқыш, мұздатқыш, қысқа толқынды пеш, кір жуатын машина, салқындатқыш, теледидар, үтік, шаңсорғыш. Қонақтарға арналған бөлек санитарлық торап қарастырылған. Үй телефоны мен WiFi қосылған. Екі қабатты есік берік құлыппен жабдықталған.

Пәтердің жоспарын қосымшадан қара