Жаңа, өте салтанатты пентхаус қаланың ең дәулетті ауданы есептелетін Қонаев гүлзарының бойындағы «Royal Apartments» бизнес санатындағы көпфункционалды тұрғын үй кешенінде орналасқан. Пентхаус – бұл тұрғын үйдің жаңа деңгейі, қауырт қаланың ішіндегі еркіндік пен кеңістік. Тұрғын үй кешенінің керемет жерде орналасқандығының арқасында сіз қаланың көркімен және тау пейзаждарымен тамсанып, Шымкент қаласын қоршаған дархан даланың кеңдігін мегаполис ішінде сезіне аласыз. Сіз іскерлік өмірдің орталығында боласыз – өйткені жақын маңда «Hyper House» және «Mega Planet» ОСО, «Технодом» және «Sulpak» техника дүкендері, «Фиркан» супермаркеті, Қажымұқан атындағы стадион, «Болашақ» және «Бәйтерек» мектептері орналасқан. «Royal Club Fitness & Spa» кешіне де санаулы минутта жетесіз.

«Royal Apartments» - бұл жаңа деңгейдегі қаланың іскерлік орталығында орналасқан мінсіз жайлылығымен ерекшеленетін дегдарлы тұрғын үй кешені. Сіздің барынша жайлы өмір сүруіңіз үшін барлық жағдай қарастырылған – жерасты автотұрағы, мейрамхана, бутиктер қатары, жеке көгалдандырылған аулалар, ойын және спорт алаңдары. Кең жасыл алаңмен, сапалы әткеншектері бар балалар алаңымен, бессейнмен және демалысқа арналған бұрыштармен қамтылған. Аумақ жабық, тәулік бойғы жеке күзет және бейнебақылау жүйесі жұмыс жасайды. Тұрғын үй кешенінің лоббиінде әрқашан консьерж отырады, ал үй ұйымдастырушысы (домком) пәтердегі инфрақұрылым сұрақтары бойынша сізге әрқашан да көмектесуге әзір.

Пәтердің дизайны, әрбір ұсақ-түйектің шығармашылық тұрғыдан ойластырылғандығы – мұның барлығы да адамның назарын аударып, пәтердің салтанатына тәнті етеді. Төбесінің биіктігі 3 метр, өте салтанатты пәтердің жалпы ауданы 230 м² , террасасы өте кең, бөлмелер өте сауатты ойластырылғандығының арқасында сіздің пәтеріңіз өте ұқыпты әрі кең көрінеді. Мұнда галереясы бар тұрғынжай, үлкен заманауи ас бөлмесі, төрт жеке жатын бөлме, қонақжай бар. Қонақжайды жеке кабинет немесе кітапхана ретінде пайдаланса да болады. Қонақжайдағы және жатын бөлмелердегі едендерге паркет төселген.

Сонымен қатар пентхаустарда өте бағалы материалдармен әрленген үш санитарлық торап, кір жуу бөлмесі, екі киім жинау бөлмесі, екі жатын бөлмеден шығатын есігі бар екі лоджия бар. Ауданы 30 м² құрайтын кең терраса мен қала мен табиғатты тамашалауға мүмкіндік беретін үлкен панорамалық терезелері бар бөлек ашық ас бөлмесі сізді тәнті етеді.

Пәтер талғаммен класссикалық үлгідегі салтанатты дүниелермен жиһаздалған. Тұрмысқа қажетті техниканың барлығы да бар: тоңазытқыш, мұздатқыш, қысқа толқынды пеш, ыдыс жуатын және кір жуатын машина, салқындатқыш, теледидар, үтік және шаңсорғыш. Телефон және WiFi бар. Пентхаустың тұрғындары жер асты көлікжайындағы екі жеке тұрақты пайдаланады. Тұрақтың бағасы жалға алу құнына кіреді.

Пентхаустағы бұл пәтер – сәулет өнерінің жауһары, ондағы пәтер қаланың таңының атуы мен кешінің батуын тамашалап, аспанмен тілдеседі. Мұндайды өз көзіңмен көру қажет.

Пәтердің жоспарын қосымшадан қара